الوقت بيركض

الوقت بيركض..بيركض اسرع من انه الواحد يستوعبه..بتبني احلام وبتعيش فيها…وبطول الحلم وبتخاف تصحى وتكتشف انه حلمك راح ومش رح يرجع.

بتخاف انك تنجبر تعيش واقع انت ما الك ايد فيه..واقع انت فيه متفرج مش أكثر…

وبنفس الوقت بتحس انه حلمك صار ممل..بتحس انك صرت تبعد عنه شوي شوي..فجأة بتحس انك انشغلت عنه..وبتحتاج تصحى عشان ترجع تبدأ حلمك من جديد..

بس بتخاف تصحى وما تقدر ترجع تحلم…

بتقعد جنب الشباك الغربي عأول منخفض بالخريف..جسمك بحس بقشعريرة ..بيحطك بحالة ضيعان بدكش تصحى منها..عشان بتخاف لو صحيت تكتشف شي انت بدكاش تكتشفه…

بتحس انك عالق…وبتحط السماعات بدانك وبتشغل أغنية اتضيع فيها…وقبل ما تخلص الأغنية بثواني بترجعها لأولها وبتولع سيجارة جديدة…

الضياع بيزعجك بس بهالوقت هو أحسن من البديل..أحسن من انك تصحى تستوعب الواقع اللي وصلتله…بتحاول تستوعب شو اللي عم بصير معك ومش قادر تفهم…

مش عارف من وين تبلش …مش عارف وين تحط خطوتك الجاي…فبتضل واقف…وما اصعبها هالوقفة…كإنك واقف بنص المنارة بيوم سبت والناس الماشية بتخبط فيك ما بتعطيك فرصة انك توقف بسلام…بس انت بتعرفش عوين تمشي..دغري؟ اروح يمين؟ ألف يسار؟ أعطوني فرصة أفكر قبل ما اتحرك…

ما حد بيعطيك فرصة…والوقت ما بيعطيك فرصة..والوقت بيركض وانت مش عارف..واقف بنص طريق مزدحم! عالق بالوقت..بتولع سيجارة جديدة..وبترجع تعيد الأغنية من أولها….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s