حب مش مفهوم

بتعرفوا هاد الحب اللي بتعرفلوش سبب..بكون بعيد عنك..كتيييير..وما بتعرف امتن رح تشوفه مرة تانية…بس بتحبه..

ليش؟ والله ما حدا بيدرا!

بتشوفه بمخيلتك كل يوم…كل ما دق الكوز بالجرة بتجيب سيرته..بتقعد مع صحابك وإلا لتجيب سيرته..من وين طلعت كيف طلعت..ما بتدرا!

وبتسكت ثواني..والدنيا عجقة..بتختلي فيه بمخيلتك..بتحلم بشي بدك يصير وما بتعرف لو رح يصير..وممكن ما يصير..بس بتصحى من حلمك ولساك بتحبه..هيك بدون سبب…

كل ما اجت سيرته..قلبك بدق بسرعة…ليش؟؟ برضه ما بتدرا!

أي حد بيجيك من طرفه…لا لا..بلاش حتى يجيك…أي حد عنده بتعرفه ولا عمرك ما عرفته..بتصير كمان هو تحبه…

حتى تخيلوا لو بتعرف حد تاني بحبه…وبنام كل ليلة بحضنه…بتحبه برضه…بتغار منه عشان طلعله اللي مش طالعلك..بنام بحضن حبيبك..ورغم هيك بتحبه!! عجب..بس برضه ما بتدرا ليش!

وبتكون بتحب غيره بجنون بس برضه بتحبه…بتتمنى الاتنين اللي بتحبهم ..القريب والبعيد يصيروا واحد..عشان ما تنام كل ليلة وقلبك امّزع بين اتنين بتحبهم!

مش عارف شو هاد الحب المش مفهوم..أو لو كان حب ولا شي تاني بعرفش اسمه..

بس هيك هو حبي للبنان البعيد..

ملاحظة: الصورة المرفقة مسروقة بدون اذن من شخص بنام كل ليلة بحضن لبنان..بحسده وبغار منه ومرات بحقد عليه..بس هالشخص برضه غصب عني حاجز غرفة بقلبي..

“لبنان يا أمل الحياة رمز الطفولة والبراء
يا أرزة نبتت جذوراً غصناً أبياً في السماء
ويلوح في الأفق الضياء
والشمس تشرق في إباء
لبنان يأبى الخنوع
لبنان يا رمز البقاء”

شعر جبران خليل جبران

“من حفنة و شذا أرز كفايتهم زنودهم إن تقل الأرض أوطان

هل جنة الله إلا حيثما هنئت عيناك كل اتّساع بعد بهتان”

برضه لجبران خليل جبران

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s