حوار عبر 83 كم وحاجز..وحلم

– مش ضايل فيها بيارات! في 2001 أول تجريف تقريبا 11 ألف دنم!
وبعدها 3 مرات كمان والكمية تضاعفت

* معلش بنرجع نزرعها بعد التحرير..بنعمل حزام بيارات من غزة ليافا

– الله كريم

* هو كريم..بس يعني مش رح يحررنا اياها لوحده بدون ما نعمل اشي

– الله يقوينا ونشوفها حرة

* اه هو بيقدر يقوينا بس مش رح يقوينا لحاله واحنا قاعدين بالبيت بدون ما نعمل اشي

– مفهوم طبعا

* بتردي بكلمتين رفع عتب؟

– لا بس عم بفكر بالحكي..عم بفكر انو بديش اموت والبلاد مش حرة…وعم بفكر قديش بدها وقت…وعم بفكر شو بينعمل

* مالك عالموت؟

– مش مالي عالموت..بس بدي أشوفها حرة

يا جبال اتداري
بالمي وصيري طين
خبي السر بأفكاري
بيري مطمور ودفين

يا موت ..مات الموت الميت فينا
ونموت..والحلم مبعدنا ومنهينا
يا حياة .. عايش فينا نهارك ومسافر
نحيا ونموت بحرقتنا وبنخلط همّ بفرحتنا
وبنتكبر على حالتنا والحلم متعبنا ومنهينا

صبي العالي لرمالي
ولتفتي لهالمسكين
ساكت مثل التمثال
والساكت سره حزين

يا حياة..عايش فينا نهارك ومسافر
نحيا.. يومك يعيشنا في الحاضر

يا أوف..تنهيدة اتخبت بين انفاسا
بالأوف..ليش بنتغرب عن احساسا
ليش بنبحر وتغرقنا..ونبدا وننهي بحكايتنا
والدنيا تلف وتبعدنا..والحلم متعبنا ومنهينا

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s