ليس بالخبز وحده يحيا الانسان

كيف بيطلبوا منا نساوم ونسالم؟ على أي أساس؟ بدكم تعيشوا؟ بفرقش معكم كيف تعيشوا؟

طيب عيشوا يا خي..هاي السويد بتعطي فيز..هاي كندا بتعطي فيز..روحوا عيشوا غاد بعيد عنّا…ريحة الذل نتنة أصلاً

السويد وكندا برد؟ هاي السعودية وقطر بيعطوكم فيز …وفي عندهم مصاري كثير..أه والله بتقدروا تفطروا وتتغدوا وتعيشوا مصاري..بتقدروا تملحوها أكيد بيتحسن طعمها

في أمل تتحرر ولا ما في أمل تتحرر شو بتفرق؟ احنا برضه بدنا نعيش..ولكن ليس بالخبز وحده يحيا الانسان

أنا بدي أعيش..بس اني أكون مقهور بأرضي..مذلول بأرضي..هاي مش عيشة…

بعدين مش مهم أنا ومش مهم انت…المهم كلنا..كلنا نعيش..نعيش زي ما بدنا…بس اذا في حد لازم يموت عشان الباقي يعيش بكرامة ..يكون أنا معلش..انت عيش..بس على جنب..مش تعيش بنص الشارع..

عيش بسكوت..مش لما يطلعلك صوت يطلع علي…

عيش ياخي عيش عطريقتك..وخليني أنا أعيش عطريقتي…

أنا بقلهم انك ما الك دخل ما تخاف…بقلهم هاد بحبكم وأنا ما بمثله…أنا بحكيش عنه..هو عنده صوت بيحكي عن نفسه..

لا لا…بحكيلهمش عنده صوت…بحطش بذمتي….

أصلاً الذل عامل زي كاتم الصوت…بتسمعش لما يطلع..بس بيقتل..سكوته بيقتل…بس بدون صوت..

عيش يا خي عيش..عبي بطنك واشبع غريزتك …واركب سيارتك وافتح الفيسبوك تبعك..أهم شي صحتك بالهدنيا..

وشو يعني عندهم جيش وطيارات ودبابات…هم الفرنسويين كانوا محتلين الجزائر بالورد يعني؟

ولا أمريكا دخلت الفيتنام ترش عليهم رز؟

يعني شوي عيب يكونوا محتلينا وما يكون عندهم أحسن أسلحة بالعالم..يعني شوي عيب..

طب خلاص أنا معك ..حكيي كله لت وعجن …ما بطعمي خبز

روح انت كل خبز الطابون …وخليني أنا أعجن…

ما أصلاً..

ليس بالخبز وحده يحيا الانسان

الحق سلاحي
الحق سلاحي وأقاوم
أنا فوق جراحي سأقاوم
أنا لن أستسلم لن أرضخ
وعليكِ بلادي لا أساوم
بيتي هنا..أرضي هنا
البحر السهل النهر لنا
وكيف بوجه النار أساوم
سأقاوم
********************
عدوّك يا وطني اندحر..عليك الكون ما قدِر
قاوم شعبي جنون الريح..تحدّى الخوف والخطر
يرحلون ونبقى..والأرض لنا ستبقى
ها نحن اليوم أقوى..أقوى من كل الملاحم
بيتي هنا أرضي هنا
البحر السهل النهر لنا
وكيف بوجه النار أسالم
سأقاوم

2 thoughts on “ليس بالخبز وحده يحيا الانسان

  1. هاي الخواطر المندمجة و المتداخلة ببعضها بتمثل تفكير كل شخص فلسطيني عايش بفلسطين وبصراحة حسيتها افكاري مكتوبة و عم بقراها . خواطر و كلمات مفهومة و مش مفهومة , متناسقة و متناقضة بنفس الوقت هاي الخواطر بتمثل حياتنا بفلسطين

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s