كلمتين بزوري وبدهم يطلعوا….المزاودة

احنا دايماً بنستخدم كلمات في حواراتنا بدون ما ناخد ثانية نفكر بمعناها. وخلاص..بتمشي على لسانا كلنا وبصير خطأ شائع يا ويله اللي بفكر يصلحه.

كلمة “مزاودة”. شو هالمزاودة، هاد شخص مزاود! كثير بنسمعها هالكلمة لا؟!

هاي ممكن أكثر كلمة بنسمعها بمكان مش مكانها. أولاً الكلمة لغوياً خطأ. بحرف الواو بيعطي المعنى عالطعام أو الامداد بحاجة الشخص. الكلمة الصح هي المزايدة أي الشخص مزايد.

وليكون أي كلام فيه مزايدة لابد أن يكون فيه زيادة عن الآخر.

فمثلاً اذا انت شفت جندي صهيوني عم بضايق بطفل بالشارع رحت عليه وضربته كف  واجى شخص حكى “ايش هاي تضربه كف..المفروض تجيب سكينة وتمزعله رقبته..ايش الحنية هاي” هو الشخص المزايد عم بقوم بفعل المزايدة. الشخض عم بزايد عليك عامل حاله ثوري وحمش أكثر من الشخص الثاني. وبكون شعورك وقتها “طيب يا حبيبي..يالله هاي السكينة روح امزع رقبته يا مناضل”

أما اذا جهة مثلاً (بدناش نذكرها) راحت للأمم المتحدة اتطالب بدولة وتتنازل عن حق مجموعة من الناس (بدناش نذكرهم برضه) وطلع شخص من هالمجموعة اللي بدناش نذكرها وحكى انا ضد هاي الدولة وحقي بالعودة مش بالدولة. هاي مش مزايدة، هاد رأي شرعي. في اختلاف مبدئي هون أولاً. وثانياً في حال إنه الحديث موجه لمؤسسة مسؤولة منك فأي انتقاد توجهه هو شرعي لا يرقى لمستوى المزايدة. 

ولكن اذا كان مثلاً الحديث موجه لأبو مازن الذي يحاول استعادت الحقوق بالمفاوضات (غطرشوا ..اعتبروه بحاول استعادت الحقوق) واجى شخص حكاله يا عميل يا جاسوس الحقوق ما بتستعاد إلا بالسلاح…هون هاي برضه اسمها مزايدة…بس مزايدة ايجابية..ولا عندي أي مشكلة فيها…بس برضه اذا كنت بالشهر بتحكي هالجملة 113 مرة فاحكيها مرة واحدة بالشهر (المفضل آخر الشهر بكون الراتب خلص والواحد قرفان حاله) والجهد والوقت اللي بتحطهم بالـ 112 مرة الثانيات اقعد فيهم خطط ترجع الحقوق بالسلاح.

فبلاش نزت كلمة يا مزايد على اليمين وعلى الشمال بكل حالة من الأحوال..في شي اسمه اختلاف في الرأي…ولو بدك اتزتها حكي يا مزايد مش يا مزاود.

طلعوا أكثر من كلمتين…بقول من شون كنت مخنوق..

One thought on “كلمتين بزوري وبدهم يطلعوا….المزاودة

  1. حبيت الحكي بين اقواس..لما احكي هيك امي بتقول عني مجنونة..بس ما علينا جنونا احسن من “تعقلهم”..وهاي الايام نادرا نلقا ناس بدعموا المقاومة بالسلاح من اصلها..فبضلو يوجهو اصبع الاتهام بالخيانة وبنسو الناس ااي بتموت مشان الوطن..بركزو عالخاينين ليقدرو يعيشومع ضمائرهم النايمة..بشرفي بطل عندي امل وبطل بدي ارتبط واعمل عيلة لانه احنا عايشين بمجتمع رخيص وبديش اكون السبب باني اجيب بني آدمين ليتعذبو فيه..تخيل حتى النقاش معهم لا يطاق..الكل بخون الكل وللاسف كلنا خاينين..خنا كل الشهدا والارض والوطن..بس جد انت من الاشخاص الي لساتهم عايشين وبعتبرهم قدوتي بالنضال..واوعك تتراجع او يصيرلك اشي..ضلك عايش لانه الي مثلك نادر.. نفسي اطلع مظاهرة مش بالسرقة..اطلع من البيت حاملة العلم واحكي انا رايحة اتظاهر..اصلا حتى العلم صار ممنوع ببلادنا..والي مانعينه الفلسطينية بالاسم..اوفت طلعت انا مخنوقة برضه..انتبه عحالك

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s