إلى شهداء عملية سافوي المحررين

نورتونا يا شهدا. الحمد الله على السلامة! بعرف انكم مستغربين وكلشي حوليكم متغير.

اخخخخ من وين بدي أبلش تأبلش. بعرفش أبلش اعتذر ولا أرمي جبيني عكتافكم وأبكي. والله احنا ما نسيناكم. والله مش احنا اللي بعناكم. هم اللي باعوكم. نفسهم رفاقكم اللي قالولكم توكلوا على الله نحو الشهادة والجنة. هم اللي كانوا يحكوا نضالنا مستمر حتى آخر واحد فينا. استنوكم رحتوا وضحيتوا واحكولنا خلاص مش زابطة. قلنالهم بدنا نكمل على درب الشهدا. احكولنا لا ما في حل غير المفاوضات ثم المفاوضات ثم المفاوضات. والله هم اللي باعوا دمكم مش احنا.


وكل ما بدنا نحكيلهم هاي خيانة كانوا يستشهدوا فيكم وبتضحيتكم! اتصوروا، باعوا دمكم وباسم تضحياتكم!! كل ما نحلفهم بدم شهدا فلسطين، بحكولنا انو انتوا شهدا فتح وحماس والجبهة، انتو شهدا الفصيل هاد والفصيل هداك.

والله بعرف انكم شهدا فلسطين وبس! حكينا حكينا! حكينا حتى انبح صوتنا! بس هم طوبوكم شهدا لفصائلهم! دلونا شو نعمل!! مسحوا تاريخنا! طوبوا تاريخ فلسطين كله لالهم! واحنا تركونا بدونا تاريخ! بدون حاضر بدون مستقبل!

لا ما تخافوا رفاقكم رح يوصلوا لغزة! بس مستحي احكيلكم…بس صار في عندنا دولتين واحدة بالضفة والتانية بغزة! هناك في غزة بيحكم فصيل جديد طلع بعد ما استشهدتوا بفترة! وصاروا كمان هم بيحكموا الفلسطينيين بغزة باسم الشهدا والمقاومة! ويا ويله يا سواد ليله اللي بدو يسترجي ينتقدهم!

كيف؟؟ اكيد بدكم تعرفوا كيف صاروا دولتين؟؟ والله احنا ما النا دخل! هم فتح وحماس! فتح حكت شهداءنا وتاريخنا وبنقبلش! وحماس حكت شهداءنا وتاريخنا وبنقبلش! وصحينا عليهم داخلين حرب بشوارعنا! الشوارع اللي كان يدخلها الصهيوني ويطلع منها على قبره حولوها لمقابر للفلسطينيين! دبحوا بعض وشمّتوا الصهيوني فينا. وكله كمان باسمكم وباسم تضحياتكم ودماءكم! وقسّموا بناتهم الشقفة اللي ضلتلنا من فلسطين! وكل واحد عنده مشروع للتصفية. جهة بيحكولنا دولة على ما تبقى من فلسطين وجهة بتحكي هدنة 100 سنة. واحنا الفلسطينيين بنقدرش نحكيلهم شي! ما احنا ما قدمنا شهدا! بس فتح وحماس هم اللي قدموا شهدا! احنا طرف ثالث مدسوسين!

يا شهدا يلّي تحررتوا خبروني كيف الطريق لعندكم؟ من عندنا الطريق مسدودة بولاد بلدنا..حكولنا سكرت الطريق..هيك الصهيوني أمر!..بس بعدنا بندور عمدخل!

ما تقلقوا، ارتاحوا انتو. احنا رح نواصل النضال. صح هي صعبة. صح انو بدل العدو صار عندنا ثلاثة وأربعة وعشرة! بس مصيرنا نلاقي طريق. يحكولنا طرف تالت يحكوا اللي بدهم يحكوا! بطلت تفرق….والله الذل طعمه مر…

أنا ما بعرف انتو انتو، ولا شهدا ثانيين ولا مين. حتى فحص DNA ما استنضفوا يعملولكم…قال بحكولنا الاسرائيليين حكوا. والاسرائيليين ثقة!

انتم الشهداء الأحياء ونحن الاحياء الأموات…ما فهمت ليش احنا اللي بنبكي عليكم؟ انتو تحررتوا من الذل واحنا لسه أسرى!
مش عارف اختم كلامي. حاسس لوختمته تكون هاي النهاية. خايف أكون بعلن استسلامي…رح اتركها هيك بدون ختام….

One thought on “إلى شهداء عملية سافوي المحررين

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s